Guide
Lines for a new father, by Christie Williamson
Guide
Imagine faain
heady craa itae a wirld
du kent naetheen o
dy een glinderin
ta makk wit o shaeps
an colours at shone
laek staurs da lift
hed nivvir seen.
Du’d perish athoot
a guide ta shaa de
da goodness o life
an keep de fae hits ills.
Du’d droon athoot a pair
o airms ta keep de aflott
in seas du’d nae notion
fu ta navigate.
Du’d disappear
athoot a heart
ta keep da time
du needs ta fin dy wye,
ta fin dy feet.
Du is dat anchor
haudin strang i da storm.
Du is da maist
important person tae dy
maist important person.
Du’s as precious
as da day at shon apö
hir comin intae da wirld.
Keep da fires in,
be da good
du needs dy bairn
tae see.