- Home
- Poetry, Prose and Drama
- Poetry
- Paes eggs
Paes eggs
Paes eggs are Easter eggs, but this poem by Christine De Luca is not an Easter poem. It is a true story of suicide.
Read By Christine De Luca
From the collection Plain Song; the section ‘Da gaet o da sang’
I dy harned haand du held ta da licht
een o da
eggs at du wid gie her
morroless lik dee; shaa’d her
hits less
dan perfect shape
da ruckly wye da shall wis med
dat day at
du kent whin shö cam
hit wis da hidmost time du’d feel
da
lichtness at shö browt. Aa da sam
fur aa da fash o life, da lettin go
da lettin
doon: hit hed ta geng
ee wye or tidder.
Da twa ends
owre far
apairt ta hadd tagidder
dat day at
du pressed
mair is da
half dizzen
inta her
haands; paes egg
apö paes
egg. ‘Tak care noo.
Tak twartree mair fur da bairns.’