skip to main navigation

Fragrance By Rhoda Bulter

Rhoda Bulter remembers some scents and smells of a country childhood.

Ploo’d rigs an a bing a waar,
Hay for turnin idda swaar,
Mossy paets aroond da fire,
Willie muckin oot da byre,
Da bran mash at da calf wis fed,
An da tae laek kootch at faider med.

Yule girse growin near da burn,
Da brünie I forgot ta turn,
Haet kettles at wir black wi ime,
New picter books at Christmastime,
Dip, an hedder at da crü,
An reestit mutton ribs wi brü.

Herreen nets an tarry twine,
A skurt a claes in fae da line,
Bacha reek fae strowng black twist,
Camphor idda blanket kjist,
Da haet sun ’pun a moory broo,
An fluffy peerie kettleensoo.

back on top