- Home
- Poetry, Prose and Drama
- Poetry
- Decline and Fall
Decline and Fall
Decline and Fall - Jack Renwick. A satirical pen portrait from the oil boom years.
Read By John J Graham
Decline and Fall
Janey an Willa
Haein a conteenuin dialogue
On da laeklihood o Willie an Gibbie’s
Feasabeelity study provin favourable
Fur winnin aff ta da eela
In Yell Soond
Athoot faain foul o da fishermen’s
Picket line
Or streyin inta da tanker lanes
An tree inch tik lyuems
Hopefully discuss da comparative
Calorific content o raans an livers
As opposed ta frozen fish fingers.
Bit, ida final analysis
Da boannie pikter ipo
Da gavel o da packet
Coupled wi a nightly TV brainwash,
Evokes a better sales response
(An Weemen’s Lib. dunna laek dem
Ugglin der haands wi guttin onywye)
Dey opt fur da saft option
An mak da shop coonter
Dir craegston.