Aald Daa By Rhoda Bulter

Vivid word-portrait by Rhoda Bulter

Read By Rhoda Bulter

Da tap, tap, tap o his staff apu da brig-stanes;
He clears oot o his craig, an gies a kreks;
Sneets his nose atween twa müldy fingers,
Dan comes in trow, an for da pipe he reks.

Büts lowsed aff, da sock feet ta da fire;
An wi a bit o pocky faalded in a steek,
He boos him for a light, an draas contentit;
Neebin ower among da bacha reek.

Time’s steady haand is scored in monny a wrinkle;
Shortened da stride, an draan da sinnan tight.
Bit still da blue een hadd a mirry twinkle,
Laek bright stars idda hidmist day-a-light.