Waitin for da Crane
Waitin for da Crane - a humorous song sung by Alex Couper and John Sutherland
Alex Couper - I'll Tell Dee a Story A song in the comic tradition written by Alex Couper, Laureen Johnson and John Sutherland for the Voe Concert Party in 1982; sung by Alex Couper and John Sutherland.
A car and van recall better days as they wait for the crane and their disposal. This is one of 14 songs on the CD I'll tell dee a story recorded on Croft YOW13.
Both Staandin by da roadside, waitin for da crane.
We're just twa aald rattletraps an wir life is on da wane.
Car I'm a muckle Vauxhall car at's seen far better days
Van An I'm a benkled Bedford van whaar da hens aye gengs an lays.
Car I used ta staand doon ower da toons wi a fine view oot da voe.
Van An I stöd up atae da yard ahint da paety cro.
Both An dere we could a bidden ta end wir days in paece
But noo da folk is aa faan mad wi reddin up da place.
Both Wir owner, Joany Tamson, is a moaderate kind o man,
An awful een for gadderin gear an lookin oot for scran.
But Jeanie wis offended, shu towt it awful cheek
When we wir nominated as da eyesore o da week.
Car Da tryst at I hed wi dat wife afore shu passed her test!
I might a kent da pinions in my gearbox couldna lest.
So yun's da wye wi Jeanie. I didna laek her much.
I always towt at hit wis her at beggered up my clutch.
Van Da loads at I am kerried an shifted in my time!
Everything fae kists o draaers ta lambs an bags o lime.
But da warst load at I'm ever hed, I can't decide right aff
Atween Georgie Arthur's piano an Charlie o Sursetter's calf!
Car I never towt dis day wid come when I first cam tae dis isle,
For I wis sic a pretty car o da very latest style.
Van An I wis such a haandy van an used for mony a thing
Till da boys dey owerloaded me an nippit aff me springs.
Car Me owner used ta garage me an shine me up wi cloots,
But noo I'm lyin oot aa week an covered wi maa's scoots.
Van But polish wis a luxury at never I did see -
A rub ower wi a greasy swab wis guid anyoch for me.
Car I used ta be dat classy, until da roost set in.
Dey wir hols atae my chassis you could stick your nevs athin.
Dan cam da day o reckonin I never towt ta see
When even Peter Thompson's haand could dö nae mair for me.
Car Will dey pit wis tae da scrappy man or dump wis in a gio?
Van Or will dey be a better laand whaar faithful cars can go?
Both Wir useful days is past an gone, we canna tak da strain
Dat's whit wye we're staandin by, waitin for da crane.