- Home
- Poetry, Prose and Drama
- Poetry
- 'Performance', after Les Murray
'Performance', after Les Murray
Translated into Shetland dialect by Jim Mainland
Performance
(After Les Murray)
I starred
dastreen, I shon;
I wis
fitwark an firewark in wan:
a rocket oagin up ta spret da mirk
wi a sprickle-shooer o brichtness
an a whaup-pleepse on a bulderit bit;
I wis blashy blinks an blibes blue-litt
fae da boddim ta da croon ida lift;
I wis a reeky taand ida heevins’ hert-sten,
da mirrie dancers geen halliget;
I wis a slester o lowin pent, lowsin
gowd an siller, cloorin een anidder,
an endin wi a rissenin, rid-tongued aze:
wan hoor o a yallicrack, boye!
An as aye happens efter ony victory,
naethin can aese da döl I dree.