skip to main navigation

Midder By Stella Sutherland

Midder - Stella Sutherland. Portrait of a mother-and-child relationship.

Read By Stella Sutherland

 Shö drew me fae da dark, da strood Midder Midder
my mortal years wid wear, her blöd
shaped, an boady shewed.

Her oonregairded calvary
trow narrow grinnd o bane set free  
da world o sense ta me:

traesir! – touch, taste, scent, hearin, sight,
silver an gold o shade an light,
sapphire o day an night.

Dearer as edder o wis ken,
nearer as braeth, or blöd, or bane,
ane, an da only ane.

Whin dark again faalds ower da hill
an oonkent daal whaar mony will 
shö’s hame, A'll draa me till.  

back on top