Love in a Caald Climate By Christine De Luca

Gardening is often demanding work in Shetland, especially if growing a special rose. A poem by Christine De Luca

From the collection North End of Eden.

Hit wisna his widden palin
nor da openwark o steyns set
ta brack da wind, nor
da hedder he prammed
atween fences; nor

da tang he tör fae da ebb
an turned an turned, nor
his fingers brakkin clods;
nor wis hit da sun scrimin
peerie-wyes. Na, hit wis

da draem shö planted
an a rösin ithin her luik
as shö stakit hit, willin
da wan rose ta oppen,
ta hadd mirknen.