Mair aboot Tirval

Mair aboot Tirval - a bairns' song sung by Freda Leask and Brian Nicholson, from the CD Craigsaet.

Craigsaet CD artwork This song is from the Craigsaet CD of rhymes, sangs and stories for peerie bairns made by Shetland ForWirds.  The words for Mair Aboot Tirval were written by a teenager Robbie Walterson from West Burrafirth and the music was composed by Freda Leask.  Here it's performed by Freda Leask and Brian Nicholson.

 

---

Tirval trow wis an aafil trow,
He took fokk's paets an set dem alowe,
He took der kale an der taaties too,
He scrieched an he roared till he gluffed da coo.

Tirval, Tirval Trow!
Whitna peerie scunner is du!

He guid in da hen hoose an brook aa da eggs
Dan baaled da scurms doon ida segs.
He slippit fokk's sheep oot o da park,
He set da dogs mad an med dem bark.

Tirval, Tirval Trow!
Whitna peerie oolet is du!

Wan mönlicht nicht Tirval set aff
Wi his sheepsken kep an his widden staff.
He roared an he gaffed as da mön shone bright
When he toucht o aa da dirt he wid wirk da nicht.

Tirval, Tirval Trow!
Whitna peerie trooker is du!

Tirval never minded aboot da Merkies burn,
He wis dat busy gaffin he took a wrang turn.
He trippit an laanded headfirst in a bog
An guid awa hame wi a guttery lug.

Tirval, Tirval Trow!
Whitna peerie scunner is du!

Tirval, Tirval Trow!
Whitna peerie oolet is du!
Whitna peerie trooker is du!